المقادير
كوبايتين دقيق
كوباية زبده
نص معلقه صغيره ملح
معلقه صغيره سكر
5 معالق كبيره ماء مثلج
نص معلقه صغيره فانيليا سايله
الحشو: نوتيلا او اي نوع مربى تحبوه
الطريقه
في طبق غويط نخلط الدقيق مع الملح والسكر كويس
ونضيف الزبده ونعجنهم لحد ما تختفي الزبده في الدقيق
ونضيف الفانيليا والماء المثلج ونفضل نعجن لحد ما العجينه تبقا متماسكه
نقسم العجينه لكورتين ونغطيها بكيس بلاستيك وندخلها التلاجه لمدة ساعه
نرش الرخامه شوية دقيق ونفرد أول كوره عجين بالنشابه
ونقطعها مستطيلات متساويه ونخرمها بشوكه عشان ماتتنفخش
ونعمل نفس الخطوه مع الكوره التانيه برضه
نحط الحشو اللي احنا عايزينه على مستطيل ونغطيه بمستطيل تاني من مستطيلات البوب تارت
وهكذا مع باقي القطع وبعدين نضغط على الجوانب عشان نقفلها
وممكن نستخدم شوكه ونضغط بيها على الاطراف
ندخل البوب تارتس الفريزر لمدة ساعه
نجيب صينيه ونفرد فيها ورق زبده ونرص فيها البوب تارتس
وندخلها فرن حرارته متوسطه لمدة نص ساعه
نخرجها من الفرن ونسيبها تهدا ونغطيها بصوص الكراميل او اي صوص تاني تحبوه وبالهنا والشفا
0 تعليقات