وصفات - فى اول الصفحه

معجنات بالسوسيس

معجنات بالسوسيس


المقادير

5 كوب دقيق
2 معلقة كبار سكر
2 كوب ماءدافئ
ربع كوب لبن بودرة
نصف كوب زيت
رشة ملح
2 معلقة كبار خميرة فورية

الحشوة

سوسيس مسلوق وبنحط مستردة قبل ما نحطه
او جبنة وزيتون او جبنة وفلفل او جبنة وزعتر او بسطرمة وجبنة موزاريلا
او تونة ومعاها فلفل قطع او لحمة مفرومة متعصجة
او فاهيتا فراخ اى حاجه انتوا بتحبيها

دهان الوش

صفار بيض او زيت

طريقةالتحضير

هنحط ف بوله 2 كوب من الدقيق
مع 2 كوب المياه الدافية عليهم اللبن البودرة والخميرة والسكر
ونقلبهم لحد ما تبقي عجينة سايلة ونغطيهم ربع ساعة
وبعد كدة نجيب العجين ونحط عليهم باقي الدقيق والزيت ورشة الملح
ونعجن حوالي 6 دقايق ونغطيها ونسيبها نصف ساعة
وبعد ما تخمر العجين تشكلها حسب اختيارنا وندهنها
وندخلها الفرن علي درجة حرارة 180 لحد ما تحمر وتستوي ونطلعها

إرسال تعليق

0 تعليقات