اعلانااااااااااااااااااااا

بيتزا بالسجق

بيتزا بالسجق 

المقادير

2 كوب دقيق
ربع كوب حليب بودرة
ثلث كوب زيت
ماء دافي للعجن
معلقة صغيرة خميرة فورية
معلقة كبيرة سكر
نصف معلقة صغيرة ملح

الحشو

150 جرام سجق قطع
2 معلقة كبيرة زيت
بصل مكعبات
معلقة كبيرة ثوم مفروم
طماطم مبشورة
معلقة كبيرة صلصة
ملح وفلفل اسود حسب الذوق
شرائح (طماطم و فلفل أخضر)
جبنة موتزاريلا

طريقة التحضير

⁃ نخلط المكونات الجافة كويس وبعدين نضيف الزيت
ونخلطهم مع بعض كويس وبعدين نضيف الماء الدافي بالتدريج
ونعجن كويس لحد ما العجينة تلم معانا وندهنها زيت بسيط
ونغطيها نسيبها تخمر في مكان دافي لمدة ساعة

⁃ فى حلة على النار نشوح البصل فى الزيت
ولما يدبل نضيف الثوم ولما يدبل نضيف السجق ولما لونه يتغير
نضيف الطماطم المبشورة والصلصة ونتبل بالملح والفلفل والبهارات
ونقلبهم مع بعض لحد ما يستوي ونسيبه يبرد خالص

⁃ نرش شوية دقيق على الرخامة وهنفرد العجينة عليها بالنشابة

⁃ نسخن الفرن على درجة حرارة عالية وندهن الصينية بالزيت ونرش عليها دقيق بسيط
ونحط فيها العجينة اللي فردناها ونسيبها 10 دقايق تستريح
وبعدين نضغط عليها بإيدينا ونعملها حواف من الأطراف

⁃ نضغط على العجينة بأطراف الأصابع وبعدين نخرمها بالشوكة ونفرد معلقة صلصة
ونرش عليها جبنه موتزاريلا ونفرد عليها حشو السجق
ونرص عليها شرائح الطماطم والفلفل والزيتون
ونرش عليها جبنة موتزاريلا

⁃ وندخلها الفرن على درجة حرارة 250 لمدة 25 دقيقة ولما تبرد نقطعها ونقدمها

إرسال تعليق

0 تعليقات