اعلانااااااااااااااااااااا

بيتزا دجاج بيستو رانش

بيتزا دجاج بيستو رانش 

المقادير

2 كوب دقيق
ربع كوب حليب بودرة
ثلث كوب زيت
ماء دافي للعجن
معلقة صغيرة خميرة فورية
معلقة كبيرة سكر
نصف معلقة صغيرة ملح

الحشو

2 صدر دجاج
ملح وفلفل حسب الذوق
فص ثوم مفروم
نصف كوب صوص بيستو
نصف كوب صوص رانش
2 كوب جبنة موتزاريلا

طريقة التحضير

⁃ نخلط المكونات الجافة كويس وبعدين نضيف الزيت ونخلطهم مع بعض كويس
وبعدين نضيف الماء الدافي بالتدريج ونعجن كويس لحد ما العجينة تلم معانا
وندهنها زيت بسيط ونغطيها نسيبها تخمر في مكان دافي لمدة ساعة

⁃ نقطع صدور الدجلج ونتبلها بالملح والفلفل ونضيف الثوم المفروم
ونشوحها في طاسة فيها زيت على نار عالية لحد ما تستوي

⁃ نرش شوية دقيق على الرخامة وهنفرد العجينة عليها بالنشابة

⁃ نسخن الفرن على درجة حرارة عالية وندهن الصينية بالزيت ونرش عليها دقيق بسيط
ونحط فيها العجينة اللي فردناها ونسيبها 10 دقايق تستريح
وبعدين نضغط عليها بإيدينا ونعملها حواف من الأطراف

⁃ نضغط على العجينة بأطراف الأصابع وبعدين نخرمها بالشوكة

⁃ نفرد صوص البيستو بالتساوي على عجينة البيتزا ونفرد صوص الرانش

⁃ نضيف الدجاج والموتزاريلا فوق الصلصة
ونخبزها على حرارة 180 درجة لمدة 15 : 20 دقيقة

صوص البيستو

صوص البيستو

المكونات

2 كوب أوراق ريحان طازج
نصف كوب جبن بارميزان مبشور
نصف كوب زيت زيتون بكر
عصير ليمونة
1/3 كوب صنوبر
2 فص ثوم مفروم
نصف معلقة صغيرة ملح
ربع معلقة صغيرة فلفل أسود

طريقة التحضير

- سخني طاسة صغيرة على نار هادية
ضيفي الصنوبر وسويه لحد ما يبقى لونه ذهبي لمدة 3-4 دقائق

⁃ استمر في هز الطاسة كل ثانيتين عشان مايتحرقش

- حطي جميع المكونات ما عدا زيت الزيتون في الخلاط واضربيهم كويس

استمري في الضرب مع إضافة الزيت بالتدريج خط رفيع ثابت

⁃ حطيه في برطمان زجاجي
واحتفظي بيه في الثلاجة لمدة أسبوع أو في الفريزر لمدة 3 شهور

صوص الرانش

صوص الرانش

المكونات

نصف كوب مايونيز
ربع كوب ساور كريم (كريمة حامضة) البديل : زبادي
نصف معلقة صغيرة بقدونس مجفف
نصف معلقة صغيرة شبت مجفف
نصف معلقة صغيرة بصل بودر
نصف معلقة صغيرة ثوم بودر
ملح وفلفل أسود حسب الذوق

طريقة التحضير

نخلط كل المكونات مع بعض لحد ما نحصل على القوام المطلوب
ولو عايزينها خفيفة نزود شوية حليب
وبعدين نحفظه في الثلاجة لحين الاستخدام

إرسال تعليق

0 تعليقات