شوربة النودلز الحارة

المقادير

225 جرام لحم بقرى من الكتف مقطع مكعبات

كوب فول سوداني

كوب زيت نباتى

كوب صلصة فلفل أحمر حار

كوب مكعبات بصل

2 حبة جزر مقطعة مكعبات صغيرة

2 معلقة صغيرة سكر

6 كوب مرق

337 جرام من النودلز المسلوقة

حبة بصل أخضر مفروم ( اختياري )

طريقة التحضير

- اسلقي مكعبات اللحم الصغيرة فى القليل من الماء لحد ما تستوي شوية

وبعدين صفيها وخليها على جنب

- في حلة على النار حطي الزيت والفول السودانى وسويه على نار هادية مع التقليب لمدة دقيقتين

أو لحد ما يأخد لون ذهبى وبعدين ضيفي الصلصة الحارة

وقلبي لمدة 30 ثانية لحد ما يخرج اللون الأحمر في الزيت وهو ده المطلوب

- ضيفي البصل وقلبيه على نار متوسطة لمدة دقيقتين أو لحد ما يبقى شفاف اللون

وبعدين ضيفي الجزر والسكر وسويهم لمدة 3 دقايق

- ضيفي كوب من مرق الدجاج ومكعبات اللحم مع التقليب باستمرار لمدة 5 دقائق

أو لحد ما يتبخر السائل وبعدين ضيفي فنجان تاني من المرق

واستني لحد ما يجف وكرري الخطوة دي مرة كمان

- ضيفي المتبقي من المرق ( حوالي 4 كوب ) واستني لحد ما تغلى وغطيها

وسيبيها على نار هادية لمدة 30 دقيقة مع تفقد نسبة الماء كل شوية

- وزعى النودلز المسلوق على أطباق التقديم

وصبي فوقهم صلصة اللحم الحارة

وزينى بالبصل الأخضر المفروم وبعدين قدميها ساخنة