وصفات - فى اول الصفحه

شوربة الكفتة

شوربة الكفتة 

المقادير

ربع كيلو لحمة مفرومة
بيضة
بصلة متوسطة
ثلث كوب أرز مصري
معلقة كبيرة زبدة أو سمنة أو زيت
حبة طماطم
حبة بطاطس كبيرة
حبة جزر صغيرة
2 فص ثوم مفروم
معلقة صغيرة أوريغانو
نصف ورقة غار
2 معلقة صغيرة ملح
6 كوب ماء أو مرق خضار
فلفل أسود وكمون
شبت أو بقدونس مفروم

طريقة التحضير

- في طبق متوسط الحجم
حطي اللحمة والبيضة والأرز ومعلقة صغيرة ملح

- قطعي البصلة نصفين
وافرمي نصف منها بالكبة
وضيفيها على اللحمة وقلبيها كويس بايديكي

- قطعي نصف البصلة المتبقية والجزر
وقطعي الطماطم والبطاطس مكعبات

- دوبي الزبدة في حلة على نار متوسطة وضيفي البصل وقلبي
وضيفي الطماطم وقلبي لمدة 5 دقايق
وبعدين ضيفي الجزر والبطاطس
وقلبي لمدة 3 – 5 دقايق كمان

- ضيفي الملح والفلفل والكمون والأوريغانو وورق الغار والثوم المفروم
وقلبي لمدة دقيقتين
وبعدين ضيفي الماء أو المرق وخليه يغلي

- شكلي مزيج اللحمة لكرات صغيرة وحطيها براحة في الماء المغلي
وقلبيها بعناية وهدي النار خالص
وغطي الحلة لمدة 15:20 دقيقة او لحد ما اللحمة تستوي
وبعدين اغرفيها في طبق التقديم وزينيها بالبقدونس وقدميها

إرسال تعليق

0 تعليقات