مكرونه البيستو

 

طريق الفراخ

فراخ بصوص الماسترده

فراخ بانيه بنتبلها بفلفل اسود وملح

هانحط زيت زيتون

وبعدين ننزل الفراخ تتحَمر من الجنبين وتاخد لون ونطلعها في طبق

في نفس الحله نزود زبده ونحط بصل مفروم وتوم مفروم ومعلقه كبيره خل تفاح لكل نص كيلو ونسيبهم ياخدوا ويدوا مع بعض ع النار وبعدين نحط ملح وفلفل اسود وشوربه فراخ ونقلب بعدين نحط نص كوبايه كوبايه كريمه لبانى ومعلقه كبيره ماسترده ونقلب وبعدين نرجع الفراخ تانى

ونقلب ونحط جبنه موتزاريلا تو شيدر ونقلب هانلاقى الصوص تقل

الماش بوتيتو

بسلق بطاطس وهى سخنه بهرسها وبحط زبده وتوم مفروم وملح وفلفل اسود وكاري وكركم وكمون وكسبره ومايونير

واظبط القوام بلبن واقلب

البيستو بتتعمل بالصنوبر بس غالى جدا بدلته بالبروكلى

طريقه المكرونه

هانسلق المكرونه وبنسلق حتتين بروكلى

هانعمل خلطه البيستو عباره عن ريحان فريش وتوم مفروم وفلفل اسود ولمون وملح وجبنه موتزاريلا وزيت زيتون ونفرمهم ناعم

هاتحط زبده ع النار وبعدين نشوح فيها المكرونه

وننزل شويه صلصه بيستو ونقلب وندوق وتظبطوها

ولو احتاجت كريمه او شوربه بتحطوا حاجه بسيطه