مكرونه بكورات اللحمه

 

طريقه اللحمه

الطريقه دى لنص كيلو كفته

هانحط ف بوله معلقه كبيره خل تفاح

ومعلقتين كبار صويا صوص

ومعلقتين كبار ميه

ومعلقه صغيره سكر بنى ونص

معلقه صغيره جنزبيل مفروم ناعم جدا فريش او باودر

معلقه صغيره مسترده نص معلقه صغيره توم باودر وبصل باودر وقرفه وفلفل اسود

وهانقلب دول مع بعض ونركنهم مع بعض

اللحمه هانحط عليها بيضه وبصل مفروم ناعم وتوم مفروم ناعم وملح وفلفل اسود وبهارات لحمه

وبقدونس متقطع صغير جدا ومعلقه كبيره بقسماط

ونعجن كويس جدا ونكور وندخلها التلاجه ساعه

ف حله هانحط زبده او سمن

ونشوح الكفته من كل ناحيه لحد ماتاخد لون دهبى َبعدين نشيلها

ونحط ف نفس الحله زبده تانى هانحط معلقه معلقه كبيره دقيق

ونقلب ونحط شويه شوربه فراخ او لحمه ونقلب

وبعدين نحط نص كوبايه لبن ونص كوبايه كريمه

ونقلب ونحط فلفل اسود ورشه جوزه الطيب

ونظبط الملح وبعدين نحط الكفته

ونحط الصوص اللي عملناه ف بوله فوق

ونقلب ونغطى ونوطى نار وسط لمده من خمس لعشر دقايق ونقلب

طريقه المكرونه

المكرونه الشكل ده بجيبه بسلقه وبعدين بغسلها بميه سخنه وف حله بحط زبده

وانزل المكرونه فيها وارش عليها فلفل اسود وكمون واقلب تقلبتين

واطلها في طبق وعليها الكفته وصوص الكفته والف هنا