بيتزا بالجمبري

 

المقادير

2 كوب دقيق

ربع كوب حليب بودرة

ثلث كوب زيت

ماء دافي للعجن

معلقة صغيرة خميرة فورية

معلقة كبيرة سكر

نصف معلقة صغيرة ملح

الحشو

2 معلقة كبيرة زيت زيتون

2 معلقة كبيرة زبدة غير مملحة

3 فصوص كبيرة ثوم طازج مفروم

2 معلقة كبيرة خل أبيض

1 قشر ليمون وعصير

16 جمبري طازج مقشر ومنقوع ومغسول

جبنة موتزاريلا أو جبنة بارميزان مبشورة

معلقة صغيرة توابل إيطالية

طريقة التحضير

- نخلط المكونات الجافة كويس وبعدين نضيف الزيت

ونخلطهم مع بعض كويس وبعدين نضيف الماء الدافي بالتدريج

ونعجن كويس لحد ما العجينة تلم معانا وندهنها زيت بسيط

ونغطيها نسيبها تخمر في مكان دافي لمدة ساعة

- في طاسة كبيرة ندوب الزبدة والزيت على نار متوسطة منخفضة

نضيف الثوم وقشر الليمون ونشوحهم لمدة دقيقة

وبعدين نضيف الخل وعصير الليمون وخليهم على نار هادية لمدة دقيقتين

- ضيفي الجمبري وسويه فقط لحد ما لونه يبقى وردي

وارفعيه عن النار وسيبيه على جنب

- نرش شوية دقيق على الرخامة وهنفرد العجينة عليها بالنشابة

- نسخن الفرن على درجة حرارة عالية

وندهن الصينية بالزيت ونرش عليها دقيق بسيط

ونحط فيها العجينة اللي فردناها ونسيبها 10 دقايق تستريح

وبعدين نضغط عليها بإيدينا ونعملها حواف من الأطراف

- نضغط على العجينة بأطراف الأصابع

وندهنه بصلصة الثوم والليمون من الطاسة و

نحط فوقها الجمبري والجبنة الموتزاريلا أو البارميزان ورشيها بالتوابل الإيطالية

- ندخلها الفرن على درجة حرارة 250 لمدة 25 دقيقة

ولما تبرد نقطعها ونقدمها