زاكس ساندويش مع صوص الـ Honey Mustard

 

المقادير

لتتبيل صدور الفراخ

4 شرائح صدور فراخ فيليه تكون تخينه شويه

عصير ليمونه صغيرة

ملعقة صغيرة خل ابيض

½ ملعقة كبيرة بصل بودر

ملعقة كبيرة هوت صوص hot sauce

ملح و فلفل اسود

الاضافات

صوص الشيدر

بيف بيكون / بسطرمة ( المتاح عندك )

خس

خيار مخلل

الطريقة

التحضير

تبلي الفراخ كويس

واتأكدي ان التتبيله علي كل الحتت من كل اتجاه .. دخليهم الثلاجه ساعه

فـ الوقت دا حضري صوص الـ Honey Mustard

وجهزي الـ طبقات اللي هتغطي بيها الفراخ

🍗 لتغطية الفراخ

1️⃣ الطبقه الاولى

كوب دقيق ابيض من غير اي اضافات

2️⃣ الطبقه التانيه

شويبس صودا او مياه فواره

بيضه

كوب دقيق

ملح

واخلطيهم كويس كلهم مع بعض

3️⃣ الطبقه الاخيره

كوب ونص دقيق

ملعقتين كبار نشا

ملعقة كبيرة بودرة بصل

ملعقة صغيرة بودرة ثوم

مكعب مرق كنور خضار مبشور ( حطيه ف الفريزر 10 دقائق وبعد كدا ابشريه )

ملح حسب ما تحبي

واخلطيهم كويس كلهم مع بعض

واعملي الترتيب دا ⬇️

1️⃣ غطي الفراخ بالدقيق الساده

2️⃣ نزلي قطعه قطعه فـ خليط الصودا والبيض والدقيق وننزلي اي زياده من الخليط

3️⃣ اخر حاجه الدقيق اللي عليه التوابل .. واضغطي علي كل قطعه كويس

اهم خطوة انك تنفضيها كويس من الدقيق الزياده

حركي القطعه كويس اوي لتحت علشان تاخد شكل حلو ونزليها في الزيت علي طول

زيت سخن كويس علي اعلى درجة حرارة

نزلي قطعتين بس بين كل قطعه والتانيه ½ دقيقه

يعني نزلي قطعه واستني ½ دقيقه ونزلي قطعه تانيه

وهكذا علشان تحافظي علي درجة حرارة الزيت

وتطلع مقرمشه وشكلها حلو

وبعد ما تنزليهم هدي النار للنص وسبيها تستوي

متقلبيهاش خالص خالص

⏲ وقت التسوية

5 لـ 7 دقائق تقريباً او لغاية ما توصل للون اللي بتحبيه ..

طلعيهم في مصفى او علي شبكة علشان المناديل هتخليها طريه

مرحلة التقديم سهله وكل واحده ليها طريقتها مش هتغير حاجه فالطعم

انا عملت الترتيب دا 👇🏽

عيش

مايونيز

خس وخيار مخلل

قطعة فراخ

صوص المسترده والعسل Honey Mustard Sauce

قطعة الفراخ التانيه

صوص الشيدر

البيف بيكون او البسطرمة

وكدا خلصتي

بالهنا والشفا

صوص المستردة بالعسل - Honey Mustard Sauce

المقادير

⅓ كوب مايونيز

2 ملعقة كبيرة مستردة

ملعقتين كبار عسل

عصير نصف ليمونه

ملعقة صغيرة خل

الطريقه

اخلطي كل المقادير مع بعض

ودخليهم الثلاجه من ساعتين أو اكتر قبل التقديم