اعلانااااااااااااااااااااا

تتبيلات مختلفه لصدور الفراخ للدايت

 تتبيلات مختلفه لصدور الفراخ للدايت



يفضل اكل صدور فى الفراخ فى الدايت لعدم احتوائها على دهون زى الوراك
هنا انا بجيب صدور فراخ مخليه بدون تقطيع واتبلها ليله فى التلاجه وساعات بتبلها

واسويها على طول على حسب وقتى وطبعا الفراخ كل ما تبات فى التتبيله يكون احسن

طاسه سخنه فيها زيت زيتون وانزل الفراخ تاخد لون من جميع الجهات واهدى النار
واغطى الطاسه واسبها تستوى براحتها خالص او بحطها فى الفرن تكمل سواها وخلاص

هقدملكم اكتر من تتبيله مميزه جربتهم كلهم وفعلا طعم مميز وتحفه وتغير جميل

❤️ ملحوظه مهمه

*تقدرى تعمليها بنفس الشكل فى الصوره او زى الشيش طاووق مع الخضار او فرخه كامله تتشوى بالفرن بنفس التتبيلات
*ممكن تضيفى بطاطس او جزر وتوم مع الفراخ بعد ما تاخد الصدمه واللون والحلو وتدخل الفرن تستوى مع الفراخ
*فى الصوره البطاطس اخدت لون دبس الرمان

❤️ تتبيله الاعشاب زعتر وروز مارى

بصلتين
3 فصوص ثوم
ملح وفلفل و زعتر و روز مارى و بابريكا
3 ليمونات كبار
خل ومعلقه عسل
معلقه زيت زيتون كبيره يمكن الاستغناء عنها


❤️ تتبيله دبس الرمان
* دبس رمان
* ملح وفلفل وزعتر وشطه
* توم مفروم
* معلقه خل ومعلقه زيت زيتون

❤️ تتبيله السماق

بصله
خل
ليمونه
معلقتين سمااق
فص توم كبير
معلقه كزبره نشافه مش مطحونه
معلقه عسل كبيره
ملح وفلفل وشطه

بنضرب كله فى الخلاط ونتبل بيه الفراخ


❤️ تتبيله المسترده والعسل

معلقه توم كبيره
معلقه زيت زيتون كبيره
معلقه زعتر صغيره
معلقه مسترده كبيره
معلقه عسل كبيره
ملح وفلفل


❤️ تتبيله السيزر

مايونيز لايت وزبادى لايت وتوم مفروم وملح وفلفل وزعتر وكمون وليمون ومعلقه خل ومعلقه عسل ومعلقه زيت زيتون


❤️ تتبيله الباربيكيو

( ملح وفلفل وزعتر وباربيكيو و مايه بصل )
وتدهن الفراخ بالباربيكيو صوص بعد ما تستوى وتقدم


❤️ تتبيله سورى

ملح وفلفل وعصير ليمون وعصير برتقال ومعلقه خل وحبهان بسيط اوى وشطه وبصل مفروم وزبادى


❤️ تتبيله البيستو

ممكن نشترى الصوص جاهز او يتعمل فى البيت

❤️ صوص البيستو البيتى

صنوبر او كاجو او عين جمل او لوز محمصين وتضرب بالهون او بالكبه
مع اضافه اوراق الريحان وزيت زيتون وملح وليمون وتوم وجبنه بارميزان

إرسال تعليق

0 تعليقات