شاورما فراخ ( سمسمه ) زي المطاعم المصريه

المقادير

500 جرام اوراك فراخ مخليه وقطعيها شرائح رفيعه خالص

والافضل تقطعيها وهي مجمده شويه

( ممكن كمان تستخدمي صدور بس الاوراك افضل علشان الدهن اللي فيها بيطلعها هايلة وبتكون چوسي اوي )

ملعقه صغيرة بودرة ثوم

ملعقة صغيرة بودرة بصل

ملعقة صغيرة السبع بهارات

¼ ملعقة صغيرة بودرة جنزبيل

¼ ملعقة صغيرة بودرة قرفه

¼ كوب خل

عصير ليمونة كبيرة

¼ كوب كريمة طبخ او حلويات او زبادي

ملح وفلفل اسود حسب ما تحبي

الاضافات

بصل جوانح

طماطم مكعبات صغيره بدون بذر

بقدونس

التحضير

حطي كل مقادير التتبيله علي الفراخ بس من غير الكريمة وقلبيهم كويس

بعد كدا حطي الكريمة وقلبيهم كلهم مع بعض

دخليهم الثلاجه3 ساعات

ولو باتت فيها هيبقي احلي واحلي

ملحوظة لخطوات التتبيلة

الكريمة او الزبادي دايماً بحطه اخر حاجه في التتبيلة

بعد ما اخلط البهارات مع ( اللحمة / الفراخ )

علشان لاحظت انهم بيضيعوا طعم البهارات لو خلطناهم مع بعض الاول

واللي قالي وخلاني الاحظ دا الجزار بتاعي

وقت التسويه

ملعقة صغيرة زيت فطاسه سخنه اوي علي نار عاليا وممكن كمان تحطي ليه ضاني

انا استخدمتها وكانت هايله نزلي فيها الشاورما

وافضلي قلبي فيها لغاية ما تتشرب كل السوائل

اول لما تتشرب نزلي البصل و خليها تاخد لون شويه

بعد كدا حطي الطماطم وقلبيها مع بعض لحد ما تدبل

اخر حاجه بقي البقدونس

وبالهنا والشفا

لتحضير صوص الثومية

التحضير

دوبي النشا في المياه وحطيها علي النار

وانتي بتقلبي طول الوقت لغاية ما تتقل ولونها يبقي شفاف قلبيها مش اقل من 5 دقائق

بعد ما تتقل علشان النشا تستوي وطعمها مايبنش الخطوية دي مهمه

سبيها تبرد خااالص وحضري صوص الثوم

في الكبه او الخلاط حطي كل المقادير مع بعض واضربيهم كويس اووي

بعد كدا حطي معاهم خليط النشا اللي بردت ( علي مرتين )

واضربيهم تاني في الكبه لحد ما كله يتجانس مع بعضه

خلاص كدا خلصتي

دخليها الثلاجة من ساعتين قبل التقديم

بالهنا والشفا

ملحوظة للطريقة البديلة للثومية

ممكن متحتاجيش انك تحطي خليط النشا كله

يعني بعد ما تحطي النص الاول دوقيها وشوفي قوامها وبعدها قررري