المقادير
فرخه وزن كيلو و200 جرام مغسوله كويس
تتبيله الفراخ
معلقه توم كبيره
معلقه زيت زيتون كبيره
معلقه زعتر صغيره
معلقه مسترده كبيره
معلقه عسل كبيره
ملح وفلفل
زبده وزيت زيتون
جزر
وبطاطس مكعبات
وفصوص توم
الطريقه
قطعى الجزر والبطاطس والتوم وتبليهم ملح وفلفل وزعتر
بعد غسل الفراخ كويس بالدقيق والملح والخل
نشفى الفراخ وصفيها من اى مايه خالص
اعملى شقوق عريضه بالسكينه فى الصدور والوراك
قلبى التتبيله فى بعض وتبلى بيها الفراخ من جوه وبره وتحت الجلد وفى الشقوق
سبيها تتبل يوم بليله تحت فى التلاجه متغطيه فى صنيه
هاتى طاسه كبيره وحطى زبده ومعلقه زيت صغيره
وادى للفراخ صدمه فى الزبده والزيت من كل جانب وخليها تاخد لون حلو
ضيفى معاها الجزر والبطاطس والتوم
هاتى ربع فنجان مايه ومعلقه زبده صغيره وحطيهم مع الخضار تحت الفراخ
وتدخل الفرن وكل ربع ساعه نفتح عليها وناخد من مايتها ونسقيها بيها عشان تطلع طريه وجوسى
بتاهد تقريبا ساعه الى ساعه ونص حسب الفرن
انا حطيتها قريبه من تحت عشان فرنى كبير
وحطيت صاجه فوق الفرخه بشويه
استوت كويس طلعيها فوق اعلى مكان فى الفرن عشان تاخد لون اكتر تحفه
تقدم مع رز ابيض بالمستكه و*صوص الهانى مسترد
تحفه مع البطاطس والجزر الى تحت الفراخ والصوص الى نزل من الفراخ
*صوص الهانى مسترد
(مسترده ومايونيز وعسل ورشه فلفل اسود وممكن رشه زعتر )
0 تعليقات