طاجن ورق العنب مع الريش الضاني في الفرن

 

طعم مميز وشكل اكثر من رائع

مكونات خلطة المحشي

ورق عنب مغسول ومسلوق نصف سلق في ماء مغلي مع ليمون

2 بصله كبيرة مفرومه ناعم

5 فصوص ثوم كبيرة مفرومه ناعم

بهارات (فلفل اسود ، كمون ، ملح ، رشة سكر ، كزبرة مطحونه)

ربع كوب زيت

2 كوب عصير طماطم طازجه

2 معلقه كبيرة معجون طماطم

نص معلقه صغيرة سكر للصلصه

بهارات الصلصه

( كمون ، كزبرة ، بهارات خضار ، بابريكا حلوة ، شطه بودر اختياري ، فلفل اسود ، ملح ، 2 معلقه كبيرة دبس رمان )

2 كوب أرز مصري

خضرة المحشي

( شبت ، بقدونس ، كزبرة )

تتبيلة الريش

6 قطع ريش ضاني

نصف كوب عصير طماطم

معلقة كبيرة كاتشب

ملح

فلفل اسود

جوزة الطيب

حبهان مطحون

معلقه كبيرة خل ابيض

مكعب زبده

3 معالق كبيرة زيت

حلقات بطاطس

مرقة التسويه

4 معالق صوص طماطم من السابق عمله للحشوة

نصف كوب مرق

2 معلقه كبيرة عصير ليمون

الطريقه

1- اول حاجه بجهز ورق العنب لو طازة بغسله

وبنزله في مايه بتغلي فيها عصير ليمون انا بحب اكتر الليمون

لو متخزن في برطمانات بطلعه من المحلول وبغسله كويس

وانزله في مايه سخنه بالليمون بس من غير نار لمدة 3 دقايق كعملية تعقيم

2- بجهز التسبيكه بفرم البصل مع التوم ووبفركهم باول بهارات مكتوبه في المقادير

وفي حله على النار بحط فيها ربع كوب زيت وباخد نص كمية البصل ومعاه رشة سكر

واشوحه بس من غير ما ياخد لون وبنزل بعصير الطماطم

واسيبه يغلي لمدة 5 دقايق على نار وسط بس ما ينشفش وبنزل بباقي البصل

واهدي النار واسيبه 5 دقايق كمان واطفي واسيبها تبرد

واضيف عليها البهارات التانيه والملح والرز والخضره ودبس الرمان

واقلب وابدأ احشي ورق العنب

3- بتبل الريش من بالليل بالمكونات المذكورة

واشوحها بعد لف المحشي في زبده من الجهتين

وارصها في الطاجن وعليها حلقات بطاطس

وارص المحشي وبسقيها بالمرقه اللي كتبت مقاديرها فوق

واحط عليها طبق واغطي وادخل الفرن ويكون سخن

ولما يستوي بطلعه احط عليه عصير ليمون وقطعة زبده واغطي عليه

واسيبه يهدى نص ساعه وبعدين اقلبه

درجة حرارة التسويه

180 لمدة ساعه ثم على 170 لمدة نصف ساعه

ويقدم بالف هنا