اعلانااااااااااااااااااااا

صوابع زينب



المكونات

كوب و نص دقيق
نص كوب سميد بسبوسه
معلقه كبيره سمنه
معلقه كبيره زيت
معلقه كبيره سكر
نص معلقه صغيره خميره
نص كوب ميه دافيه
ذرة ملح

مكونات السيرب

2 كوب سكر
كوب ميه مغليه
عصرة ليمون
معلقه كبيره جلوكوز ( اختياري )

الطريقه

هنقلب المكونات الجافه الدقيق و السميد و الخميره و السكر و الملح و ننزل السمنه و الزيت و نفركهم مع الدقيق لحد ما يبقى شبه الرمله و بعدين نضيف الميه و نعجن لحد ما تلم معانا و نسيب العجينه ترتاح ربع ساعه و نبدأ نشكلها

التشكيل

هنقسم العجينه كور صغيره متساويه و ناخد كل كوره نفردها على المبشره أو المصفى أو بصامة الكحك و نلفها رول و نكمل لحد ما نخلص الكميه

التسويه

هننزلها في زيت غزير سخن على حراره متوسطه و نقلبها لحد ما تاخد لون حلو و نطلعها على سيرب بارد و تقيل و نقدمها بالهنا 

إرسال تعليق

0 تعليقات