المكونات
2 حمام
كوب إلا ربع رز مغسول و متصفي
بصله متوسطه مفرومه
معلقه صغيره ممسوحه ملح
نص معلقه صغيره فلفل اسود
رشة نعناع
رشة جوزة الطيب
كبد و قوانص الحمام متقطعه
معلقه كبيره سمنه
الطريقه
في حله على النار هنحط سمنه وننزل البصل نشوحه لحد ما يدبل وننزل عليه الكبد والقوانص ونقلب لحد ما تستوي ونضيف الرز والملح والفلفل والنعناع وجوزة الطيب ونقلب ونضيف نص كمية الرز ميه ونغطي عليه يستوي نص تسويه وبعدين نطفي ونسيبه يبرد و نحشي الحمام من تحت الجلد ومن جوه ونقفل رجل الحمام
التسويه
في حله فيها ميه مغليه وبصله وجزره وورق لورا وحبهان وفلفل اسود حصى وملح هننزل الحمام على الضهر ونغطي ونسيبه من 35 ل 45 دقيقه ونختبره من الجناح لو اتكسر بسهوله بيكون الحمام استوى وكده نطفي ونطلعه علطول من الشوربه عشان ميتقطعش ونسيبه يبرد شويه ونحمره في زيت وسمنه وبألف هنا
0 تعليقات