الأول نجيب نص كيلو بانيه
ونقطعه بالطول زى الصوره
بس ياريت تكون مش رقيقه اوى
التتبيله
عباره عن
ملح وفلفل وزعتر ومكعب مرقه وتوم بودره وفص توم مفروم وبابريكا و2 ملعقه كبار زبادى و2 ملعقه خل وملعقه صلصه ومعلقه كاتشب وبيضه وعصره ليمونه وربع كوب دقيق و2 ملعقه نشا وشويه مايه
نخلطهم سوا كويس جدا لحد التتبيله تبقي زى العجينه السايبه كده
ونتتبل الفراخ ونسبها على الأقل ساعتين فيها
بعد ماتبلنا الفراخ وسبنها فالتتبيله
دلوقتى نحضر الخلطة التانيه
عباره عن 2 كوب دقيق عليهم نص كوب نشا وملعقه بيكنج بودر وملح وفلفل وكركم ومكعب مرقه
دلوقتى هنشيل الفراخ من التتبيله وهنحطها فى خليط الدقيق وبعدين ننزلها تانى فى التتبيله ونحطها تانى فى الدقيق
بس منضغطش على حتت الفراخ .. بالراحه كده
نكون مجهزين طاسه فيها زيت غزير ويسخن
وبعدين نحطها فى فالزيت
ملحوظه
متركنيش الفراخ جوا الدقيق
يعنى أول ما تعمليها تنزليها فالزيت
الزيت لازم يبقى سخن جدا
واول دقيقه بس نسبها على نار عاليه وبعدين نوطى عليها لحد ما تستوى وتبقي اللون دا
بتاخد حوالى 5 دقايق
0 تعليقات