المقادير
كيلو شرائح فيليه كندوز مقطعه رفيع
2 معلقة بهارات مشكله
ملح وفلفل وحبهان
نص كوب خل ويفضل خل التفاح
قطعه صغيره من اللية الضاني تقطع مكعبات صغيره
3 بصلات مقطعه مكعبات
الطريقة
هنحط شرائح اللحمة في اناء ونتبلها بالملح والفلفل والبهارات والحبهان ونحط عليهم البصل
نحط عليها مكعبات اللية ثم ندخلها الفرن
بعد ما تخرج من الفرن نشيل اللية من عليها
نجيب طاسة ونحط فيها ملعقه زيت
ونحط عليها الشاورمة اللي خرجت من الفرن ونقلبهم مع بعض
وبعد كده نجيب عيش شامي كبير وندهنه سلطة طحينة
ونحشيه بالشاورمة ونقفل رغيف العيش كويس
نجيب الطاسة مكان تقليب الشاورما ونحطها على النار
ونحط الرغيف في الطاسة لغاية ظهره ما يحمر
وبعد كده نقلبه على وشه علشان هو كمان يحمر علشان ياخد ريحه اللحمه