كرواسون بعجينة العشر دقائق

المقادير

5 كوب دقيق

2 معلقة كبيرة خميرة فورية

2 ملعقة كبيرة سكر

2 كوب حليب دافي

نصف كوب زيت

رشة ملح

للحشو

شوكولاتة أو جبنة وممكن اضافة زيتون او زعتر او بقدونس او نعناع للجبنة

للوجه

صفار بيض عليه معلقة حليب ورشة خل او رشة فانيليا

طريقة التحضير

- اول حاجه هناخد 2 كوب من الدقيق مع 2 كوب حليب دافي والخميرة والسكر

ونخلطهم كويس لحد نحصل على عجينة سايلة وبعدين نغطيها ونسيبها عشر دقايق

- نجيب العجينة ونحط عليها باقي كمية الدقيق (3كوب) والزيت ورشة الملح

ونعجن كويس لحد ما نحصل على عجينة لينة وطرية ونغطيها ونسيبها تخمر شوية

- بعد ما العجينة تخمر نخرجها ونطلع منها الهوا ونقسمها كرات صغيرة ونشكلها حسب ما نحب ونحشيها

ولو عايزين شكل الكرواسون هنفرد العجينة ونقطعها مثلثات متساوية الحجم

ونحط معلقة من الحشو وبعدين نلفها من القاعدة على راس المثلث

- ممكن نحشيها شوكولاتة او نخلط جبنه موتزاريلا وجبنة رومى وشيدر وطماطم وملح وفلفل وزيت زيتون

ونقلبهم مع بعض ونحشيها أو نخلط جبنة فيتا ونضيف عليها جبنة موتزاريلا او رومي

ونقلبهم مع بعض كويس او نخلط جبنه براميلي وزيتون ونعناع وجبنه شيدر

ونقلبهم مع بعض ونحشيها وممكن لانشون لحمه او سلامي

وبعدين نقفلها كويس وندخلها الفرن علي درجة حرارة 180 لحد ما تستوي

وتاخد لون جميل واول مايطلع رشي عليها ماء بسيط بالبخاخة

وغطية بفوطة نظيفة وبالهنا والشفا