منال العالم
هي عباره عن طبقة بسبوسه
وكنافه بينهم كريمه وعلي الوش كمان
وكراميل نصوص شيكولا
نخصر الأول البسبوسه
ربع كيلوا دقيق سميد ناعم
150 سكر ناعم
50 جرام سمنه سايحه
100 جرام لبن
مافيش بيكينج باودر
الطريقه
نضيف السميد علي السكر علي السمنه ونقلب كويس جداا
نضيف اللبن ونقلب كويس ونحط البسبوسه في صاج مدهون زبده
وندخل الفرن علي حراره 220 ولما تحمر نطلعها سخنه
ونحط عليها الشربات وهو سخن ونركنها
الكنافه
ربع كيلو كنافه لازم تكون ناعمه جدا
نص كوب سمنه
معلقتين سكر بودره
الطريقه
نسيح السمنه ونضيفها علي الكنافه والسكر ونقلب كويس
وندخل الفرن علي نفس حراره البسبوسه ونسقي الشربات ونركنها
الكريمه
هنشتري كريم شانتيه جاهزه وتكون مضروبه
ونضيف عليه قشطه بلدي ونضربهم في بعض كويس
الكراميل اللي هيكون علي الوش
كوب سكر
ربع كوب لبن
معلقة زبده كبيره
الطريقه
نحط السكر علي النار
وأول ما يغمق شويه ننزل بالزبد
بعد كدا نضيف اللبن ونقلب لغاية ما ياخد القوام اللي عايزينه
صوص الشيكولاته
المقادير
ربع كوب لبن
ربع كوب زيت
كوب شيكولاته مبشور
الطريقه
ننزل اللبن علي الزيت يغلي
وبعد كدا نضيف الشيكولاته ونقلب لغاية ما تاخد القوام بتاعها
طبقة البسبوسه تكون تحت وعليها طبقة كريمه
ونحط طبقة الكنافه علي الكريمه
ونرجع نحط كريمه علي الكنافه وندخلها التلاجه علشان تشد شويه
نخرجها ونضيف الكراميل علي الوش ويكون بارد ونوزعوا علي الوش كله
بعد كدا صوص الشيكولا وشكرا
ملحوظه ممكن تعمل البسبوسه بمكوناتك انت عادي
