ميني تارت

المقادير

3 كوب دقيق ( 400 جرام )

كوب زبدة باردة ( 200 جرام )

كوب الا ربع سكر بودرة منخول ( 100 جرام )

بيضة

معلقة صغيرة فانيليا

رشة ملح

ربع كوب ماء بارد أو أقل حسب الاحتياج

طريقة التحضير

- اخلطي الدقيق مع رشة الملح وضيفي الزبدة

وقلبيهم بايدك لحد ما تحصلي على خليط رملي

وبعدين ضيفي السكر البودرة المنخول

وقلبي وبعدين ضيفي صفار البيض والفانيليا

وبعدين ضيفي قليل من الماء البارد بالتدريج لحد ما العجين يلم معاكي

مع مراعاة عدم العجن فيها لان كتر العجن بيخلي عجينة التارت تنشف

- اول ما تلم طلعيها ولميها بايديكي ولفيها بكيس نايلون

وسيبيها ترتاح نصف ساعة في الثلاجة وبعدين طلعيها

وبالنشابة افرديها بين ورقتين زبدة او على رخامة مرشوشة دقيق بسيط

وبعدين افرديها في قوالب الميني تارت أو صينية التارت

- بعد ما تدهنيها زبدة ورشة دقيق بسيطة

واعملي لها أطراف وشيلي الزيادات وخرميها بالشوكة

- دخليه الفرن علي درجة 180 لحد ما ياخد لون ذهبي

وطلعيه حطي فيه نوتيلا ان شوكولاتة بيضاء او كراميل ومكسرات او كريم باتسيير وفواكه