عيش الشوفان

 

مفيش أسهل ولا أسرع منه

وبيشبع جدًا وكمان طعمه حلو

الكمية دي بتعمل رغيفي حلوين

المقادير

كوب شوفان حبة كاملة

كوب واكتر شوية مياه

رشة ملح

رشة فلفل

الطريقة

نجهز طاسة كبيرة وندهنها زيت

ونولع عليها على نار هادية جدًا

بعدين نضرب المقادير في الخلاط وبيكون قوامه سائل كدة

نصب من الخلاص على الطاسة (اللي مش سخنة أوي)

ونفرد الخليط بأننا نحرك الخليط ع الجوانب بما أنه سائل

نعلي النار ع الاخر بحيث نسيب الاطراف تستوي

وبعدين نوطي النار عشان قلبه يستوي

وبعد ما نلاقيه مسك نفسه كدة

نقلبه ع الناحية التانية ونفس النظام