ملح الليمون

 

استخداماته

1- لو عندك كاتيل استانلس ستيل بتعمل طبقه جير ابيض كده

وساعات قشور بيضا من جوه

ملعقتين صغيرين ملح ليمون ومع نص كوب ميه

وشغلى الغلايه بعد ما تغلى سيبيها شويه تبرد وتتنقع

وبعدين اغسليها بالصابون العادى

هتلاقيها بتلمع زى الجديده

2- وعيون البوتاجاز لو نقعتيها من بليل فى ميه فيها ملح لمون وكربوناتو وشويه خل

والصبح بالسلك على خفيف حتلاقى العيون رجعت زى الجديده

3- الحنفيات بتاعه المطبخ والحمام لو غسلتيها بملح لمون هتلاقيها بتلمع زى مرايا

4- مسحوق الاتوماتيك اعملى جردل مخصوص للغسيل الابيض واشترى نص كيلو ملح لمون

واضيفها على المسحوق واقلبيهم على بعض اولا مفيد جدا للغساله

لانه بيمنع التكلس اللى بيحصل من المسحوق وكمان بيخلى الابيض روعه

واستخدمى كميه اقل لان ملح الليمون بيبيض

وينضف اكتر من لو بتستخدمى المسحوق لوحده للغسيل الأبيض

5- لو عندك سيراميك فى المطبخ او الحمام

سواء فى الارض او الحوائط لو الفواصل الجبس اتوسخت

ولونها اتغير اخلطى مايه سخنه على ملح ليمون

ويتنضف ب فرشاه الارضيات هيرجع كأنه جديد