سنة أولي مطبخ - 3

 

1- تبلي دقيق السمك ب

(ملح وفلفل وكمون وشطة ونشا وبيكنج بودر)

قبل القلي

2- العيش الفينو قبل ماتعمليه سندوتشات شيلي القلب

واقطعي الحروف وحمصيهم

واطحنيهم ضيفي عليهم

( توم بودر وبصل بودر وبابريكا وملح وفلفل ونشا وبيكنج بودر )

للبانيه والفراخ المقرمشة

3- الباذنجان المخلل ضيفي نعناع ناشف مع التوم

4- ضيفى ملعقة سكر في صلصة المكرونة

5- البطاطس قبل ماتحمريها اسلقيها عشر دقائق في ميه وملح

هتلاقيها بتقرمش ومش بتشرب زيت

6- ضيفى رشة لبن بودرة علي وش البشاميل

7- ضيفى ملعقة خل في الكيك هيخليه هش وطرى

8- ضيفى معلقه عسل اسمر في تتبيلة الفراخ المشوية

9- ضيفى كوب زبادي في تتبيلة البانيه

10- حطى ملعقة بيكنج بودر في الشوربة اللي هتسقي فيها الرقاق باللحمه هيبقي مقرمش ومورق معاكى

11- ضيفى ل الرز باللبن كيس كريم شانتيه او كيس آيس كريم فانيليا بودر عشان وشه يكرمش

12- ضيفى رشة زعتر علي صلصة المكرونة هتديكي ريحه طيبه

13- لاحلي صلصة مكرونة اضربي مع الطماطم ( توم وفلفل رومي وفلفل حامي )

14- إدهني الفراخ والبط واي زفر عمومآ ب (كاتشب وملح وفلفل وقرفة ) قبل ما تدخليها الفرن

15- بعد ما تطبخى الرز البسمتي اكشفي الغطا من عليه عشان ميعجنش

16- حطى معلقه بيكينج بودر مع اللمون وانتي بتسلقيه عشان يحافظ علي لونه

17- وانتي بتقلي البانيه حطي ملعقة زبدة مع الزيت هيبقي طعمه تحفه

18- لما تيجي تعملي عجينة كريب حطي تلتين الكوبايه دقيق والتلت نشا هيطلع مقرمش زي بتاع المحلات بالضبط