بيف كوردن بلو

مكونات التتبيله

نص كيلو بفتيك

عصير بصله كبيره

معلقه كبيره خل

معلقه صغيره ملح

نص معلقه صغيره فلفل اسود

نص معلقه صغيره بابريكا

نص معلقه صغيره بصل بودر

مكونات الحشو

تركي مدخن

شيدر أصفر مستورد

موتزريلا

التغليف

بيضه + ربع كوب لبن + فلفل اسود

كوب بقسماط

نص كوب دقيق

ملح و بابريكا و بصل بودره

الطريقه

أول حاجه هنقلب مية البصل مع الخل و الملح و التوابل و نتبل البفتيك ونغطي و نسيبه ليله كامله

اليوم التاني هنصفي كويس و ننشفه من اي سوائل و نفرد شريحة البفتيك و عليها التركي و فوقها الشيدر و الموتزريلا و نلفها رول و نقفلها كويس بخلة أسنان من كل الاتجاهات عشان الجبنه متنزلش أثناء التحمير و نخلص الكميه كلها و ندخلها الفريزر نص ساعه

بعد ما تطلع من الفريزر هننزلها في خليط البيض و اللبن و نطلعها على خليط البقسماط و الدقيق المبهر و نضغط عليه كويس و نخلص و ندخله الفريزر نص ساعه

التسويه

هننزل الكوردن بلو في زيت غزير سخن و نهدي الحراره نخليها وسط ونغطي عليه و نسيبه يستوي من غير ما نقلب كتير عشان الطبقه الخارجيه متفكش و نطلعه على مناديل مطبخ و مننساش نشيل الخله قبل التقديم و بألف هنا

ملحوظه

ممكن نستبدل التركي المدخن بلانشون فراخ مدخن او روز بيف مدخن