محشى الكرنب

المكونات

كرنبه متوسطه تقطعيه وتسلقيه وتجهزيه للحشو

1/2 كيلو أرز مغسول حطيه في مصفي

كيلو طماطم معصورة

2 بصله مبشورة

3 فصوص توم مفرومين

ربطه شبت وكسبرة بقدونس مقطع نااعم

2 م ك صلصه

شرايح جزر وبصل وطماطم وفلفل اخضر

توابل

م ملح

كسبرة ناشفه

كمون

شطه

فلفل اسود

رشه قرفه

رشه نعناع

الطريقه

نجيب حله نشوح البصل بالتوم يدبلو

نحط طماطم والصلصه ونص تسيبيكه حطي بهاراتك كله ويتسبك خالص نحط الرز ونقلب

ونحط الخضرة بس نسيب شويه صغيرين اوي هنحتاجهم

ونحط شويه زيت صغيرين علشان أرز المحشي يبقي مفلفل

وبعدين نجيب حله ورصى في ارضيتها نحط شرايح جزر وبصل وفلفل اخضر وطماطم

في الارضيه ونحشي نرص المحشي عادي جداااا

هنسخن الشوربة اللى هنسقى بيها المحشى وقبل مانحط الشوربة

هنحط الحلة على النار وعلى وشها معلقتين كبار سمنة ونغطيها ونسيبها على النار لمدة 5 دقايق

وبعد كده نحط الشوربة بعد ماتكون غليت وطبعا الشوربة هتغطى ورق

الكرنب ونجيب طبق يكون على قد الحلة ونحطه فوق المحشى

والخطوة دى مهمة لأن الطبق ده بيضغط الشوربة مع البخار ويخلى المحشى يستوى كويس

ونسيبه على نار هادية لغاية مايستوى حوالى ساعه