المافن

المقادير

- 2 كوب دقيق

- كوب سكر

- نص كوباية زبده بدرجة حرارة الغرفه

- 3/4 كوب مياه سخنه

- معلقه صغيره فانليا سايله

- 1.5 معلقه صغيره بيكينج بودر

- ربع معلقه صغيره ملح

- 3 بيضات

طريقة التحضير

- في بوله كبيره ننخل الدقيق والبيكنج باودر

- نضيف الملح والسكر والزبده والبيض والفانيليا ونخفق كويس لحد ما الخليط يبقى ناعم

- نضيف المياه السخنه ونقلب براحه بمعلقه خشب لحد ما الخليط يبقا متجانس وبلاش نبالغ في التقليب

- نرص أكواب المافن الورقيه في قالب المافن ونصب الخليط لحد الثلث

- نخبزها في الفرن على درجة حراره 180 لمدة 15-20 دقيقه

- نخرجها من الفرن ونسيبها تبرد ونقدمها وبالهنا والشفا

ملحوظه

المافن نسبة الدهون والسكر فيه بتكون اقل من الكب كيك

وممكن تضيفوا مع العجينه بتاعته شوكليت شيبس او زبيب او مكسرات

لكن الكب كيك بيتزين بالكريم شانتيه او الايسينج