فـوائـد الفازلين

الفازلين بنستهون بيه دايما 

احنا عايزين نستعمل كريمات كريمات كريمات

مع ان الفازلين احسن واضمن واسرع طريقه لترطيب بشرتك

ولو حبيتي تعطيرها وتفتيحها كمان

وهقولكم على طرق دلوقتي تعملي بيها احلى كريمات لكل الاستعمالات بالفازلين

**-**-**-**-**-**-**

كريم الفازلين المعطّر

الفازلين الطبيعي ممكن نجيبه من عند العطار

وهو بيكون أفضل وأرخص من الفازلين الطبي

عدد 3 ملعقة كبيرة فازلين طبيعي

و½ ملعقة صغيرة زيت عطر الألف زهرة

و½ ملعقة صغيرة زيت الزهر الفرنسي

و½ ملعقة صغيرة زيت بندق

هنسيّح الفازلين على نار هادية أو على حمام ميه

وبعد ما يسيح بنقسّمه على 3 برطمانات زجاجية

وهنضيف على كل برطمان منهم زيت عطري

زي زيت الزهر أو زيت البندق أو زيت عطر الألف زهرة

علشان نحصل على كريم له رائحة جميلة

بس بنراعي وإحنا بنضيف الزيوت إننا نوزّعها على كل جوانب البرطمان

يعني مش بنصبّه كله في مكان واحد

والزيوت دي بتخلّي الجلد غير مترهل وصافي وبتغذّيه جدا

والكريم ده بنستخدمه على جسم مندّي بالميه

لأن كل ما كان الجسم مبلّل وحطيت كريم أو زيت

كل ما كانت سرعة امتصاصه للجسم أكتر

وده بيخلّي الجسم يحتفظ برطوبته ونداوته

نقدر كمان نستخدم الكريم ده على المناطق الحساسة

وممكن نستخدمه 3 مرات في اليوم

**-**-**-**-**-**-**

فازلين بالكركم

عدد 13 ملعقة كبيرة فازلين

و2 ملعقة صغيرة كركم

بنضيف الكركم على الفازلين السايح

ونقلّبهم كويس مع بعض

والماسك ده ممكن نستخدمه على الجسم كله

وخصوصا الكوع والركب والأماكن الخشنة والحساسة

ومع المواظبة على استخدام الكريم ده مرة واحدة يوميا بالليل لمدة 3 شهور

هنحصل على بشرة فاتحة وناعمة ورايقة وخصوصا في الأماكن الحساسة