دجاج بصوص كريمة الطرخون و الخردل

دجاج بصوص كريمة الطرخون و الخردل
Chicken with Tarragon Mustard Cream Sauce

صوص كريمة الفطر مع الدجاج كل الناس يعرفونه هذا تغير لذيذ وجدا بسيط عليه الطرخون
tarragon
للي ما يعرفه هو نوع أعشاب منتشر بشكل كبير في المطبخ الفرنسي
طعمه خاص ماله أي شبيه أقدر أقول قريب منه
دوروا عليه وحاولوا تلاقوه ماراح تندمو

المقادير
ملعقة كبيره زبدة
ملعقة كبيره زيت
و3 صدور دجاج أو صدرين كبار
ملح وفلفل
و3/4 كوب بصل مقطع صغار
فصين ثوم مقطعه صغار
ملعقة صغيرة خل عنب أبيض - إختياري
كوب مرق دجاج
و3/4 كوب قشطة خفق
ملعقتين كبار طرخون طازج مفروم ناعم
ملعقة كبيره خردل ديجون خشن

لو مافيه طرخون طازج استبدلوه بمجفف
بس ماراح تكون نفس الشي أو ممكن تعملو نسخة قريبه من الوصفه
بإنكم تستخدمو أي عشبة ثانيه زي البقدونس أو النعناع أو الحبق أو الريحان أو أي شي ثاني
خردل ديجون مهم هنا ! لا تستخدمون خردل أصفر عادي الطعم بيكون جدا سيئ

الطريقة

أول شي نسويه ننشف الدجاج بمناديل رول
الخطوة مهمة عشان يتحمر الدجاج بعدين نرش صدور الدجاج بملح وفلفل على الجهتين
نسخن مقلة ( يفضل ستانلس ) على حراره أعلى من وسط بشوي ونخليها تسخن دقيقه دقيقتين تقريبا
بعد ما تسخن نحط الزيت و الزبده بعدين نحط صدور الدجاج بدون ما نحركها
نطبخ الدجاج لغاية ما يتحمر الوجه الأول بعدين نقلبه ونطبخ الوجه الثاني لغاية ما يستوي
نعرف إن الدجاج أستوى بإننا نقطع في أكبر جزأ في الصدر
ونشوف هل هو وردي من داخل ولا لأ ؟ إذا كان وردي نكمل طبخ
أول ما يروح اللون الوردي نشيله من المقله ونحطه في صحن بعدين نغطيه بقصدير مخروم عشان يرتاح
الحين لو سوينا كل شي صح مفروض نلاقي طبقة ذهبيه باقيه في الصينية
( طبعا بس لو أستخدمنا ستانلس )
هذي الطبقة بتعطي الصوص طعم لذيذ
ننزل الحراره على حرارة هاديه بعدين نزيد شوي زيت ونحط البصل و الثوم مع رشة خفيفه ملح
نطبخ البصل والثوم على حراره هاديه إلين يذبلون بعدين نحط الخل
ونحاول نحك قاع القدر بملعقة عشان نذوب القطع البنيه اللي تحت
بعد ما يتبخر الخل نحط المرق ونطبخه لغاية ما يقل بمقدار النص بعدين نحط قشطة الخفق
نطبخ الصوص إلين يوصل لغليه بعدين نحط الطرخون و الخردل ونخليه يكمل طبخ إلين يثقل شوي
نذوق الصوص ونعدل الملح و الفلفل بعدين نقدمه مع الدجاج