فطيرة شم النسيم

المقادير

نص كيلو دقيق
نص كوب زبده سايحه بس مش سخنه
و3/4 كوب سكر
و3/4 كوب حليب دافئ
و3 بيضات مخفوقين
ملعقه كبيره خميره

الطريقه

هتاخدى الخميره وتحطى عليه ملعقه كبيره سكر وشوية لبن من المقادير وسيبيهم يتخمروا
هتقلبى السكر مع الزبده كويس قوى وضيفى البيض والفانيلا وضيفى الخميره
وبعدين ضيفى عليهم الدقيق وقلبى لغاية ما كل المكونات تتجانس كويس
هتضيفى اللبن الحليب شويه بشويه لغاية ما العجينه تبقى ملساء ناعمه يسهل تشكيلها
لو لقيتيها محتاجه سائل زوديها مش محتاجه خلاص
غطى العجينه وسيبيها تخمر 45 دقيقه
اول ما تلاقيها ارتفعت بعد الوقت ده نزليها بايديك
بس مش تعجنيها وسيبيها تتخمر نص ساعه كمان
كل ما تخمر اكتر وتنزليها يبقى احسن
بعد كده شكليها حلزونات وحطيها على صاج مدهون زيت
ادهنيى الوش ببيض ممزوج بملعقه كبيره لبن وفانيليا
ورشى الوجه بالسكر وسيبيها تخمر 1/2 ساعه كمان
اخبزيها فى فرن 180 درجه لغاية ما الوجه يحمر