عرق لحمة روستو مع الصوص البني

غير معرف
0


المقادير

عرق لحمة كامل

10 فصوص ثوم
2 معلقة صغيرة بهارات لحمة
½ معلقة صغيرة قرفة
2 معلقة صغيرة فلفل أسود
3 معالق صغيرة ملح
½ معلقة صغيرة جوزة الطيب
3-2 معلقة كبيرة زيت زيتون
سمنة
زيت
معلقة كبيرة نشا


الطريقة


نقطع فصوص الثوم نصاص ونضيف عليها زيت الزيتون
نضيف كل التوابل ونخلط كويس وحنلاقي تتبيله تقيلة زي المعجون بقت موجوده
نجيب عرق اللحمة
وبسكينة حامية نعمل في فتحات عميقة ونحشي كل فتحه بحتة ثوم
نراعي إن فصوص الثوم تكون متوزعه كويس في كل حته من العرق
نجيب معجون التوابل اللي إتكون
وندعك بيه كل العرق كويس جداً لحد ما نتأكد
إن كل حته في العرق إتبلت كويس


دلوقتي عايزين نقفل كل المسام بتاعه العرق عشان نتأكد إن كل عصارة اللحمة حتفضل محبوسة في العرق وتخلي طري في الآخر
حنجيب صينية كبيرة ونسخن فيها سمنه وزيت وأما يسخنه كويس قوي ننزل فيها العرق ونسيبه يتحمر من كل جنب كويس جداً
أول ما كل الجوانب تتحمر وتاخد لون بني حنضيف مياه مغلية ونغطي الصينية ونسيب اللحمة تستوي على البخار ونفضل نزود مياه لحد ما العرق يستوي ويبقى طري جداً
نشيل العرق من الصينية ونغطيه بورق ألمونيوم عشان يرتاح ويشرب كل السوائل بتاعتع ويفضل طري
ناخد السوائل وعصارة الحمة اللي فضلت في الصينية وندوب فيها النشا
نخلط كويس على النار لحد ما الخليط يتقل وبعدين نضيفله حتة زبده ونشيل من على النار


نقدم العرق دافي أو بار مع صوص الجريفي



وبالهنا والشفا

إرسال تعليق

0 تعليقات
* Please Don't Spam Here. All the Comments are Reviewed by Admin.
إرسال تعليق (0)

#buttons=( أقبل ! ) #days=(20)

يستخدم موقعنا ملفات تعريف الارتباط لتعزيز تجربتك. لمعرفة المزيد
Accept !