فراخ بالصويا صوص

طريق التتبيله دي هي الطريقه المعتمده في اغلب المشويات سواء لحوم او فراخ او شيش طاووك ورائعه مع الشيش طاووك

المقادير

فرخه مقطعه 4 قطع او كاملة
صويا صوص (2-3 ملعقه كبيره ) وخلى بالك عشان بتبقى مالحة
علبه زبادي - او ربع لتر لبن رايب
زيت - ربع كوب
معلقتين صلصه او كيس صلصه صغير فاين فودز
ملعقه كبيره بودره ثوم - او ثوم مفروم
و2 ملعقه كبيره زعتر مطحون
ملعقه كبيره بابريكا
شويه خل
عصير 2 ليمونه
ملح + فلفل

الطريقه

تتبل الفراخ بالمكونات السابقه وتشك بالسكينه لامتصاص التتبيله جيدا
تترك في التلاجه - يفضل يوم كامل وتقلب كل فتره في التتبيله
توضع في ورق الفويل وتغطي بشكل كامل
وتدخل الفرن من ساعه لساعه ونص وومكن نزود شويه صوص ليها في نص مده التسويه