دجاج بالاناناس

المقادير

صدورة دجاج مسحبة

ملعقة نشاء صغيرة

ملعقة فلفل احمر صغيرة او كبيرة حسب الرغبه

علبة كاتشاب كبيرة

طحين

بيض

علبة اناناس

مية الأناناس

ملعقتين سكر

مية

ملعقة صغير خل ابيض

الطريقه

اول شي بتجيبو دجاج حسب الكمية

وبتقطعوه مربعات صغيرة وبتحطوه بالبيض والطحين وبتقلوه

بالنسبة لصلصة بتاخدو علبة كاتشاب كبيرة وبتحطوها

وبنفس علبة الكاتشاب بتعبوها مرتين ميه وبتحطوهم على بعض على النار

بضيفو النشاء والفلفل والسكر على الصلصة وبتقلبوا حتى يدوبوا

بتشوفو اذا الصلصة كويسة اذا تريد زيادة مية او كاتشاب او فلفل وبتحطو الخل

بضيفو مية الأناناس و بس تغلي الصلصة شوي بضيفو الدجاج

لما تحسو ان خلاص الدجاج والصلصة استوا كويس

اخر شي بتحطو الأناناس بعد ما تقطعوه اجزاء صغيرة

وتقدم مع أرز ابيض