وصفات - فى اول الصفحه

طريقة عمل الباستا فلورا

طريقة عمل الباستا فلورا


مقادير الباستا فلورا

3 كوب و ربع دقيق = 400 جرام
كوب زبده بدرجه حراره الغرفه او سمنه او زيت او سمنه علي زيت او زبده علي زيت = 200 جرام
نص كوب سكر ابيض ناعم = 110 جرام
2 بيضه
معلقه كبيره بيكنج بودر
معلقه صغيره فانيليا
مربي اي نوع تحبوه

للوجه

صفار بيضه
معلقه صغيره فانيليا سائله
معلقه لبن
ويمكن استخدام نسكافيه

الطريقه

هنحط الدقيق والبيكنج بودر والملح ونخلطهم كويس جدااا وفي بوله تانيه هنحط الزبده والسكر
ونخلطهم كويس لحد لما تفتح تبقي كريمي خالص
وبعدين ننزل بالبيض والفانيليا ونتأكد ان البيض اتخلط كويس اووي
وبعدين ننزل بالدقيق كله مره واحده ونضربهم ضربه او نلمها من غير ما نعجن كتير عشان متنشفش
وتشقق مجرد ما الدقيق يختفي يبقي تمام كده
وهي بتبقي عجينه طريه زي بتاعه البتيفور كده بس مش بتلزق خااالص
وبعدين نفرد شويه دقيق ونبدا نلمها ونعطيها ونحطها في التلاجه ساعه عشان تبقي سهله في الفرد
ولما تطلع باخد ربع اشيلو في التلاجه تاني عشان هشكل بيه الوش
ونبدأ نفردها في صنيه مقاس 26 او 28
ونطلعها لحد الحرف سواد بقي صنيه التارت او بتاعه البسبوسة نطلعها للحرف
ونعمل بالشوكه كده عشان متتنفخش وبعدين نحط المربي فراوله او مشمش
بيقو تحفه الاتنين انا كنت عامله نص كده و نص كده
وبعدين نبدأ نشكل الوش ممكن تعملوها شرايط او قلوب او ورد اي شكل تحبوه
ونكون مسخنين الفرن علي 170 قبل ما ندخلها ب 10 دقايق
ونبدأ ندهن الوش و أهم حاجه صفار البيض ميجيش على المربي خالص
وندخلها بقي لمده نص ساعه بعد 20 دقيقه نفتح عليها عادي قبل كده لا
ولما نفتح لقينا الحروف خدت لون نشغل الشوايه
تاخد لون هي مجرد ما تاخد لون دهبي من الحروف
يبقي هي كده تمام و نشغل الشوايه و بالف هنا

إرسال تعليق

0 تعليقات