البوريك

المقادير

3 كوب دقيق

ربع كوب زيت

كوب إلا ربع ماء قابل للزيادة او النقصان حسب نوع الدقيق

معلقة كبيرة خل

معلقة كبيرة بيكنج بودر

معلقة كبيرة خميرة

معلقة كبيرة سكر

ذرة ملح

معلقة صلصة او كاتشب

الحشو

جبنة قديمة او جبنة بيضاء وزيتون او اي حشو تحبوه

طريقة التحضير

- في طبق كبير نضيف الدقيق والملح والبيكنج بودر

وبعد كده السكر والخميرة ونقلب

وبعد كده ننزل بالزيت والخل والصلصة وبعدين الماء بالتدريج

ونعجن لحد ما نحصل على عجينة طرية وناعمة

- نسيبها تخمر وبعد التخمير نقطعها دوائر صغيرة

وبعدين نسيبها ترتاح حوالي 10 دقايق وبعد كده نفرد كل دايرة

ونحشيها ونقفلها ونرصها فى الصينية ونسيبها تخمر

- ندهن الوجه بيضة وعليها معلقتين حليب وعليهم رشة قهوة او نسكافيه

ونحط سمسم او حبة البركة على الوجة او نسيبها سادة عادي

- نخبزها في فرن متسخن من قبلها على درجة حرارة 180 لمدة 20 - 25 دقيقة

ولما تخرج من الفرن تتغطي بفوطة نظيفة لحد ما نقدمها