Nutella Stuffed Cookies

 

المكونات

1 كوب زبدة مش مالحة

1 كوب نوتيلا

1 كوب سكر بني (لازم)

2/3 كوب سكر أبيض

2 بيض ( بدرجة حرارة الغرفة يستحسن)

1 1/2 م ص خلاصة فانيليا (السايلة) - لو مفيش يبقي خلينا في البودرة

4 كوب دقيق (متعدد الإستخدامات عادي)

2 م ص نشا

1 م ص بيكنج بودر

1 م 2 بيكنج صودا (كربوناتو)

1/2 م ص ملح (لازم)

و شوية chocolate chips او تجيبوا بار شوكولا أي نوع و تكسروه شغال

الطريقة

1) هنسخن الفرن علي 190

2) علي ورق زبدة هنعمل النوتيلا كور كده علي قد حجم الكوكيز اللي هنعملها ونسيبهم يتجمدوا في الفريزر

3) هنسيح الزبدة في المايكرويف ونسيبها تهدا خالص متبقاش سخنة خاالص

4) هنزود عليها نوعين السكر ونقلب كويس اوي ونحط البيض واحدة واحدة ونقلب كويس بين كل بيضة والتانية و نحط كمان الفانيليا

5) في طبق تاني نقلب المكونات الجافة لوحدهم

6) نحط من المكونات الجافة اللي قلبناهم حبة حبة علي المكس بتاع الزبدة والسكر والبيض ونقلب كويس اوي لحد ما يبقي كله دخل في بعضه ونحط معاهم ال chocolate chips او الشوكولا اللي كسرناها

7) نسيب العجينة بقي ترتاح في التلاجة ربع ساعة كده تمسك نفسها

8) نطلع النوتيلا اللي جمدناها وكورناها من الفريزر ونقسم العجين كمان كور حلوة كده

وناخد كورة عجين ونحط جواها كورة النوتيلا ونبططها حاجة بسيطة كده وندخلهم التلاجة كمان 10 دقايق

9 ) هنرصهم علي ورق زبدة ونراعي إنها هتفرش في الفرن فنسيب مسافة بين كل كوكيز والتانية وندخلها الفرن اللي كنا سايبينه يسخن

تستوي علي درجة حرارة 190 لمدة 12:15 دقيقة مش أكتر

10) وتسيبوها تهدا خالص قبل ما تشيلوها من علي ورق الزبدة

أو ممكن تعملها في البان

" الطاسة الصغننة السودة دي اللي بتدخل الفرن"

وحطوا سكوب ice cream فانيليا كده وصوص شوكولا و كراميل