-->

التوست الأبيض الطري



المكونات


 كوب وثلثين ماء فاتر متقسم

 2 وربع معلقة صغيرة خميرة

 معلقة صغيرة سكر

 معلقة كبيرة عسل (أو نبدلها بالسكر)

 معلقة صغيرة ملح

 معلقة ونصف كبيرة زبدة غير مملحة في درجة حرارة الغرفة

 4 ونصف كوب دقيق لجميع الاستعمالات

 معلقة ونصف كبيرة زبدة مذابة للدهن


طريقة التحضير


 اخلطي الخميرة الفورية والسكر ونصف كمية الماء الفاتر وخليه لمدة 5-10 دقايق لحد ما يعمل رغوة

ضيفي الماء المتبقي والعسل والملح ومكعبات الزبدة و4 أكواب من الدقيق

نعجن كويس لحد ما العجينة تتماسك وتبقى طرية وغير لزجة

ضيفي القليل من الدقيق إذا لزم الأمر

استمري في العجن لمدة 6-9 دقايق لحد ما تحصلي على عجينة طرية وناعمة

انقلي العجينة في طبق مدهون بقليل من الزيت وغطيها وسيبيها تخمر في مكان دافي لمدة 45 دقيقة أو لحد ما يتضاعف حجمها

 رشي الرخامة دقيق واقلبي العجينة عليها وقسميها جزئين متساويين الحجم واضغطي على كل واحدة وخرجي الهواء الزيادة منها رقي العجينة مستطيل أصغر من حجم القالب بشوية لأن العجينة هتتفرد بعد لفها

لفي العجينة رول من الطرف الأقصر زي ما بتلفي السويسرول مع الضغط على أطراف العجينة بعد كل لفة وبعدين احكمي قفلة العجينة كويس واتأكدي إن لفة العجين بقت بطول القالب وإلا دحرجيها شوية تتفرد وتبقى بطول القالب

 حطي كل رغيف في قالب مستطيل مدهون بالزيت او الزبدة وخلي قفلة العجينة تكون تحت

غطي القالب بكيس نايلون وسيبيه لمدة 45 دقيقة في مكان دافي لحد ما العجينة تنتفخ وتصل لحافة القالب

 حمي الفرن على 180 درجة وثبتي الرف الأوسط

 أخبزي الأرغفة لمدة 40 دقيقة دقيقة لحد ما السطح لونه يبقى ذهبي

 خرجيهم من الفرن واقلبي الخبز على رف شبكي وادهني أسطح وجوانب الأرغفة بالزبدة المذابة

 خليه يبرد خالص وبعدين قطعيه وقدميه


التسمية

عن الكاتب :

انا ورقه طارت 🍂 من شجر نادر 🌳 حطت على أرض بور 🌱

ليست هناك تعليقات

إرسال تعليق

الاسم

بريد إلكتروني *

رسالة *