الخبز العراقي ( الصمون )

المقادير

- نصف كوب دقيق القمح الكامل

- نصف كوب نخالة القمح - يمكن استبدالها بنصف كوب دقيق القمح الكامل

- 2 كوب دقيق لجميع الاستعمالات

- معلقة ونصف صغيرة خميرة

- معلقة كبيرة سكر

- معلقة ونصف صغيرة ملح

- 2 معلقة كبيرة زيت

- 2 معلقة كبيرة زبادي

- 3/4 كوب إلى 1 كوب ماء دلفي

للوجه

2 معلقة كبيرة حليب

سمسم - يرش فوقه (اختياري)

طريقة التحضير

 في حلة على النار سخني الماء

أبدأي دايمًا بأقل من كوب وبعدين ضيفي المزيد عند العجن

 ضيفي السكر والخميرة إلى الماء الدافي واخلطيهم كويس

وغطيهم وسيبي الخميرة ترتفع لمدة 10 دقايق

في نهاية 10 دقايق هتلاقي خليط الخميرة عمل فقاعات ورغوة وده يدل على إن الخميرة نشطة

ولو معملتش معاكي كده تبقى لا تصلح للاستخدام

 في الميكسر نضيف دقيق القمح ونخالة القمح والدقيق لجميع الاستعمالات ونضيف الملح ونخلط وبعدين نضيف الزبادي والزيت وخليط الخميرة وابدأي في عجن العجينة

 لو العجينة كانت جافة معاكي ضيفي المزيد من الماء الدافي لتحصلي على القوام الصحيح

لازم العجينة تكون ناعمة جدًا ولزجة شوية

اعجني العجينة لمدة 8 - 10 دقائق 

وبعدين حطيها في طبق مدهون بالزبدة وسيبيها في مكان دافي تخمر ويتضاعف حجمها حوالي ساعة تقريباً

لتشكيل وخبز الصمون

 سخني الفرن على درجة حرارة 230 درجة وحضري صواني الخبز وبطنيها بورق الزبدة

 بمجرد ما يتضاعف حجم العجينة قسميها 6 كرات متساوية الحجم

لفي كل قطعة على شكل كرة ناعمة واستخدمي ايدك الاتنين لفي حافتين كرة العجين لإطالة الحواف مع الحفاظ على تخن المركز زي الصورة كده

سطحي العجينة وافرديها لتأخذ شكل الصمون العراقي

 رصيه في الصينية المبطنة بورق الزبدة

 كرري نفس الخطوات باقي العجينة وغطي العجين لمدة 20 دقيقة أو لحد ما ينتفخ شوية

 ندهن الجزء العلوي من العجين بالحليب ونرش السمسم

 اخبزي لمدة 15 - 18 دقيقة أو لحد ما لون الصمون يبقى بني ذهبي

 خرجيه من الفرن وخليه يبرد شوية على رف شبكي