نابليون كيك

المقادير 

كوب الا ربع زبدة ( 180 جرام )

كوب سكر 

ثلث كوب عسل 

معلقة صغيرة ونصف بيكينج صودا 

3 بيضات 

4 اكواب دقيق 

رشه ملح 

مقادير الكريمة 

كوبين كريمة خفق

كوبين ساور كريم (يمكن استبداله بزبادي)

كوب وربع سكر بودرة 

معلقة صغيرة فانيليا 

طريقة التحضير 

في حلة على النار ندوب الزبدة وننزل عليها بالسكر والعسل ولما يبدأوا يغلوا ونحس انهم دابوا هنحط عليهم البيكنج صودا 

ونقلب لحد ما لونهم يبقى عسلي نرفعها من على النار عشان لونه هيفضل يغمق

نسيب الخليط ده يبرد ربع ساعه وبعد كده هنضيف عليه البيض بالتدريج ونخلط كويس ونزود بعدها الدقيق تدريجياً

ممكن نحتاج دقيق اكتر من المقادير حسب درجة امتصاص الدقيق للسوائل لحد ماتبقى العجينة ماسكة نفسها ومابتلزقش وفي نفس الوقت طرية ونسيبها تستريح نصف ساعه

هنقسم العجينه 8 اقسام ونفرد كل جزء ونعمله شكل دايرة ممكن تستخدمي صينية دائرية مثلا

ونخرمه بالشوكة ونخبزه علي ورق زبده في فرن بدرجه حرارة 180 لمدة 7 دقايق في الرف الاوسط ونطلعها نحطها في فوطه نضيفه

نخفق كل مكونات الكريمة بالمضرب الكهربي 

وندهن كل طبقه من الكيك بشوية حليب صغيرين بالفرشاة عشان تفضل طرية ونحط الكريمة بين كل طبقة والتانية

فتتي العجينة المتبقية ورشيها على وجه وأطراف الكيك او زينيها حسب الرغبة وقدميها فوراً