خبز القرفة

المقادير

 4 كوب دقيق لجميع الاستعمالات

2 وربع معلقة صغيرة خميرة جافة نشطة

 2 ونصف معلقة صغيرة سكر

 معلقة صغيرة ملح

 ربع كوب زيت نباتى

 معلقة كبيرة خل

 كوب وربع ماء دافي

الحشوة 

 زبدة طرية

 نصف كوب سكر 

 4 معلقة صغيرة قرفة

طريقة التحضير 

 اخلطى جميع المكونات

( الدقيق - الخميرة - الملح - السكر - الزيت - الخل - الماء الدافي )

وابدأي فى العجن لحد ماتتكون معاكي كرة من العجينة الطرية وبعدين غطي العجينة بالزيت وغطيها بقطعة قماش مبللة وسيبيها تخمر ويتضاعف حجمها لمدة ساعة تقريباً

 بعد كده افردي العجينة على رخامة مرشوشة دقيق بحيث تكون رقيقة على شكل مستطيل كبير وادهنى سطح العجينة باستخدام فرشاة بالزبدة الطرية ورشي كمية من السكر والقرفة وبعدين لفي العجينة على شكل رول وقطعيها بسكينة حامية نصفين متساويين بحيث يمكنك رؤية الطبقات من الداخل

 حطي نصفين العجين جنب بعض واثني احدى طرفى العجينة على الطرف الآخر وهكذا لحد ما يتكون معاكي شكل زي الضفيرة أو الجدلة واقفلي الأطراف بشكل كويس

 اسحبي طرفى العجين مع بعض ليصبح مثل شكل الإكليل وبعدين انقلي في صينية الخبز وغطيه بقطعة قماش مبللة وسيبيه يخمر مرة كمان لمدة نصف ساعة

 قبل الخبز رشى المزيد من السكر والقرفة على السطح

 اخبزي في فرن مسخن مسبقاً على درجة حرارة 200 لمدة 10 دقايق وبعدين قللي درجة الحرارة إلى 180 وسيبيه لمدة 30 : 40 دقيقة كمان أو لحد ما ياخد لون ذهبي

 بعد ما يبرد الخبز زينيه بالسكر البودرة وقطعيه وقدميه مع الشاى أو القهوة