طريقه عمل الكالزوني

المقادير

كبايتين ونص دقيق

معلقه كبيره زبادى

ربع ملعقه صغيره ملح

نص معلقه صغيره سكر

معلقه صغيره خميره فوريه

مياه دافيه حسب العجين "3/4 كوب"

الحشو حسب اختيارك طبعا سواء فاهيتا فراخ او لحمه

الطريقه

نخلط الدقيق مع ربع معلقه صغيره ملح مع نص معلقه صغيره سكر ومعلقه صغيره خميره فوريه و نقلبهم كويس

نضيف الزبادى والمياه الدافيه بالتدريج مع التقليب لحد ما العجينه تتماسك

نضيف زيت الزيتون ونعجن كويس ونغطيها ونسيبها تخمر ساعه

نقسم العجينه 6 كرات ونفردها بالدقيق على شكل دايره

نحط الحشو اللي احنا عاوزينه ونوزعه على كل العجين ونضيف عليه جبنه موزاريلا وجبنه شيدر

نقفل الأطراف كويس بطريقه مبرومه ونحطها فى صينية مدهونه زيت أو سمنه

باستخدام الفرشاه ندهن السطح من فوق بالزبده

ندخلها الفرن ونشغله من تحت الاول ولما الاطراف تحمر نشغل الشوايه حتى تأخد اللون وبالهنا والشفا