كيك الريد فيلفت

المقادير

كوب ونص زبده

كوب ونص السكر

3 بيضات

2 معلقه كبيره كاكاو

كيس ونصف من اللون الأحمر خاص بالاكل بالحلويات

معلقه صغيره من الملح

2 كوب ونص دقيق

معلقه صغيره فانيليا

كوب لبن رايب

معلقه صغيره بيكنج بودر

معلقه كبيره من الخل

مقادير كريمة التزيين

ربع كيلو جبنه كريمي ناعمه

2 كوب سكر بودره

معلقه صغيره فانيليا ويفضل تكون سايله

مكعب صغير من الزبدة حوالي 110جرام

الطريقه

باستخدام المضرب الكهربائي اخلطي الزبده والسكر 

واضربيهم كويس على السرعه المتوسطه

وبعدين حطي البيض والفانيليا 

واضربيهم كويس برضه وعلى نفس السرعه

هتجيبي طبق صغير وتخلطي فيه اللون الأحمر مع الكاكاو 

وبعدين هتحطيهم مع البيض والسكر

حطي الملح والدقيق والبيكنج بودر واللبن الرايب على الخليط الاساسي

واخلطيهم كويس وبعدين هتضيفي معلقة الخل واخفقي جيداً

لما تتأكدي ان القوام متجانس واللون مكفي الخليط، هتحطي الخليط فى قالب الكيك

ودخليه في الفرن على درجة حراره 350 درجه لمدة ساعه كامله

هتخرجي الكيك من الفرن وتسبيه تلت ساعه يبرد

وبعدين تقسمي الكيك 3 طبقات بسكينه رفيعه من النص

طريقة عمل كريمة التزيين

تخلطي الزبده و الجبنه الكريمي بالمضرب كويس جدا جدا

ضيفي السكر البودره للخليط، على مرتين - نص الكميه الاول وبعدين حطي باقى السكر واضربيه

حطي الفانيليا واتاكدي ان الخفق تمام لحد ما القوام يبقى متجانس وجاهز 

طريقة التقديم

هتفردي الكريمه بين الطبقات وبعدين تغطي بيها الكيك من برا 

وتتأكدي إن مافيش أي أجزاء بارزة من الكيك

حسب رغبتك ممكن تضيفي شرايح فراوله او ترشي السطح والجوانب باللون الأحمر