وصفات - فى اول الصفحه

صينيه المكرونه البشاميل

صينيه المكرونه البشاميل


المقادير

مكرونه قلم مسلوقه
لحمه مفرومه
كوب مشروم
نص كيلو بصل مكعبات
كوب عصير طماطم مركز
4 معالق دقيق
4 معالق سمنه
3 اكواب لبن (والاحلى 2 كوب لبن وكوب مرق مركز)
معلقه حليب بودره
اجبان مبشوره
قطعه زبده للوجه
بيضه للوجه
ملح فلفل جوزه الطيب م ص قرفه
زعتر تركى

الطريقه

نعصج اللحمه باننا نشوح البصل يدبل ننزل باللحمه وفلفل الاسود وجوزه الطيب والقرفه بدون الملح خليه لما تستوى اللحمه
ونضيف المشروم
هنضيف عصير لطماطم للحمه المعصجه ونسبها تسبك شويه ونطفى عليها
ونعمل البشاميل هندوب الدقيق فاللبن ونقدح السمن فالطاسه وننزل بخليط اللبن
ونقلب لحد مايتقل ونتبله ونضيف الحليب البودره ونطفى عليه

الطريقه العاديه للبشاميل

نسيح السمنه وننزل بالدقيق يتقلب شويه
وننزل باللبن الدافى والمرقه ونتبلها بملح وفلفل ونحط اللبن البودره
نجيب صينيه الفرن بتاعتنا وندهنها سمنه ونحط طبقه مكرونه
وبعدين اللحمه وشويه بشاميل وباقى المكرونه وعالوش البشاميل والاجبان والبيضه
ونقطع قطعه الزبده عالوش بتدى لو جميل اوى وندخلها تحمر الفرن

والف هنا

إرسال تعليق

0 تعليقات