مقادير البان كيك

2 كوب الاربع من الدقيق
رشه ملح
ملعقه صغيره مليانه من البيكنج بودر
2 ملعقه كبار من السكر
3 بيضات
ملقعه صغيره من الفانيليا
كوب من اللبن

المقادير

كوبيتين إلا ربع دقيق


معلقة صغيرة مليانة باكينج بودر

رشة ملح خفيفة

معلقتين كبار سكر

قلبيهم بقى و سبيهم على جمب

هاتى 3 بيضات

اضربيهم بالمضرب كويس

حطى عليهم كباية لبن

و معلقة صغيرة فانيليا سايلة

معندكيش سايلة عادى حطى الفانيليا البودر

بس اشترى السايلة أحلى بكتيييييير

اضربيهم ضربة كدة و لا اتنين

هاتى الدقيق و حطى بقى الخليطين على بعض

قلبيهم براحة

اديهم ضربة كدة ظريفة عشان يمتزجوا مع بعض 
و الدقيق ميكلكعش

شايفة سمكها جميل ازاى

المفروض تكون كدة

طاسة تيفال على النار و عليها زيت خفيف ممسوح 
و نهدى النار

هاتى العجينة بقى و بمعلقة أو كبشة صغيرة خدى حبة عجين كدة

و حطيها فى الطاسة

أول ما تطلع البقاليل

زى كدة اقلبيها علطول على الوش التانى براحة

هقلبها أهو

سبيها شوية يعنى دقيقة او اقل بسيط و اقلب

و دة شكلها بعد ما اتقلبت من النحية التانية

كده خلصت

حطى عسل ابيض من فوق

أو عسل اسود و مكعبات زبدة من فوق